Stor tru på eiga evne til å tilpasse
Dei aller fleste er samde i at dei sjølve kan bidra til å sikre seg og sin eigendom mot konsekvensar av klimaendringar. Berre omlag åtte prosent er usamde.
Totalt svarar 14% at dei er svært samd, 34% at dei er samd, 31% at dei er noko samd, 12% at dei er verken samd eller usamd, 3% at dei er noko usamd, 4% at dei er usamd og 1% at dei er svært usamd.
Ser ein det i samanheng med at to av fem meiner private hushald har eit ansvar for klimatilpassing, er det truleg mange som er villige til å gjere klimatilpassingstiltak på eigen eigedom dersom det vert naudsynt.
«Kor samd eller usamd er du i at du sjølv kan gjere tiltak som er med på å sikre deg og din eigedom mot konsekvensar av klimaendringar?»
Respondenten kunne rangere svaret på ein sjupunktsskala frå «svært usamd» til «svært samd». Totalt 1996 respondentar fekk spørsmålet. 30 valde å ikkje svare.
Venstre, Ap og Krf-veljarar mest samd
Dei veljarane som stemmer Venstre, Ap og Krf er dei som er mest samde i at dei sjølve kan gjere tiltak. Der svarar 87% at dei er samde.
SV-veljarane er dei som er mest usamde i påstanden. Der svarar 14% at dei er noko usamd, usamd, eller svært usamd.
Klimamonitor individ
Desse resultata er samla inn i november 2020, gjennom å spørje eit representativt utval nordmenn om kva dei meiner om framtidige konsekvensar av klimaendringar.
Dataane i individ-undersøkinga til Norsk Klimamonitor er produsert av Norsk medborgerpanel , som er ein del av Universitetet i Bergen. Ideas2evidence står for datainnsamlinga.
Lisensiert under CC BY 4.0
Fri bruk mot kreditering
