Næringslivet stiller sjeldan krav til klimatilpassing
Samanlikna med offentleg forvaltning, stiller oppdragsgivarar frå det private næringslivet sjeldnare krav til at klimatilpassing skal inkluderast i konsulentoppdrag.
44% av spurte konsulentar svarar at oppdragsgivarar frå næringslivet sjeldan eller aldri er dei som tek initativet til å inkludere klimatilpassing i oppdrag der klimatilpassing har inngått. Berre 23% svarar at oppdragsgivarar frå næringslivet ofte eller alltid er den som tek initiativ til å inkludere klimatilpassing i aktuelle oppdrag.
Om oppdragsgivarar frå offentleg forvaltning, meiner 28% at offentlege oppdragsgivarar sjeldan eller aldri tek initiativ, medan 29 % svarar at dei ofte eller alltid gjer det.
- «I oppdrag frå næringslivet der klimatilpassing har inngått, kven har teke initiativet til at klimatilpassing skal vere ein del av prosjektet?»
- «I oppdrag frå offentleg forvalting der klimatilpassing har inngått, kven har teke initiativet til at klimatilpassing skal vere ein del av prosjektet?»
- «Oppdragsgjevar? Oppdragsgjevar har tydeleg definert klimatilpassing som ein del av oppdraget.»
- «Delt initiativ? Klimatilpassing er implisitt ein del av oppdraget og vert difor vektlagt.»
- «Konsulent? De tek sjølve initiativ til å inkludera klimatilpassing i oppdraget og «sel det inn» til oppdragsgjevar.»
Klimamonitor konsulent
Desse resultata er samla inn i oktober 2021, gjennom ei spørjeundersøking til norske konsulentar. Spørsmåla handla om korleis konsulentane opplev klimatilpassingsarbeidet, oppdragsgjevarar sin kompetanse og initiativ, og i kva grad klimatilpassing er på dagsorden hjå ulike oppdragsgjevarar.
Dataane i konsulentundersøkinga 2020 er samla inn i samarbeid med Rådgivende Ingeniørers Forening og Norske arkitekters landsforbund.
Lisensiert under CC BY 4.0
Fri bruk mot kreditering
